“Nitasema maneno yaliyopo kwenye kitabu kitakatifu “

21:52:00 Unknown 0 Comments




Daktari mmoja aitwaye Fuledi aliingia hospital kwa haraka baada ya kupigiwa simu kuwa  alitakiwa kwa ajili ya operesheni ya haraka sana.Moja kwa moja bila kupoteza muda Dr Fuledi aliingia katika chumba cha upasuaji.
Akamwona baba wa kijana aliyetakiwa kufanyiwa upasuaji akiwa katika chumba cha kusubiria.
Baada ya kumwona Dr Fuledi baba wa kijana alipiga kelele huku akimfuata na kumwambia: “Kwa nini umechukua muda mrefu kuja? Haujui kuwa motto wangu angeweza kufa? Una chembe ya ubinadamu wewe au kwako vifo ni ufahari?”

Fuledi alitabasamu na kumwambia Yule baba: “Sikuwa hapa hospital ila baada ya kupigiwa simu nimekuja haraka kama nilivyoweza…… Nakuomba samahani na uwe mpole nifanye kazi mara moja”

“Niwe mpole?!  Ungekuwa wewe ndio mimi na mototo wako anataka kufa na daktari anakuambia uwe mpole ungekuwa mpole? Aliongea baba Yule akiwa na hasira za kutisha.

Daktari Fuledi  alitabasamu tena na kumjibu mzee yule: “Nitasema maneno yaliyopo kwenye kitabu kitakatifu “Tuliumbwa kwa mavumbi na tutarudi mavumbini, Jina la bwana libarikiwe”. Daktari hawezi kurudisha Maisha ya mtu bali kwa neema zake bwana. Mwanao atapona kwa jina la bwana.

“Huwezi kunipa ushauri wakati wewe sio mwajibikaji hivyo huna maana” Aliongea baba kwa hasira

Upasuaji ulichukua masaa kadhaa na baadae daktari Fuledi akafungua mlango na kutoka akiwa na uso wenye furaha na kumwambia baba “Ashukuriwe Mungu  mtoto wako kapona  na bila kupoteza muda Fuledi akaondoka kabla ya Yule mzee hajadadisi zaidi.

Mbona huyu daktari mkorofi sana, yaani hata kabla sijamaliza kuuliza kaondoka? Aliuliza yule mzee kwa nesi aliyekuwa pembeni yake.

Nesi akamjibu huku machozi yakimtoka: “ Mtoto wa daktari huyu alipata ajali na kufa jana, Alikuwa nyumbani akijiandaa kwenda kumzika,Na kwa kuwa hakuna daktari wa tatizo hilo zaidi yake  basi tukampigia ndio akaja mara moja na sasa anawahi kwenda kumzika mwanae.”

Funzo :

Usiwe mwepesi wa kuhukumu….. kwa sababu huwezi jua wenzako ni kwa nini wako na hali unazoziona zikiwaandama au watu wanapitia Maisha ya namna gani wakijitahidi kukufanya wewe uwe na furaha na amani.

Nakushukuru kwa kunipa nafasi hii adimu sana ya kufurahi, kuelimika na kubadilishana mawazo. Nitafurahi sana kama utaniachia comment hapo chini ili nijue kama habari,ucheshi, simulizi na vioja vioja hivi vimekupa siku yako kuwa BOMBA. Kumbuka nawe waweza share nami chochote ulichonacho kwa kunicheki kupitia whatsapp kwa namba 0713317171 au kupitia comment. Asante.

You Might Also Like

0 comments:

Subscribe to: Post Comments (Atom)