Kumpiga chura teke siku zote ni njia ya kumwongezea mwendo
Kijana mmoja ambaye alifiwa na baba na mama aakiwa kidato cha nne, ilimbidi aanze kufanya biashara ya kuuza mboga akitembelea nyumba kwa nyumba.Biashara ile ilimsaidia kupata fedha za kumpeleka shule na kununulia mahitaji machache pale nyumbani kwani alikuwa akiishi peke yake.
Watu wengi walimpenda kwa kujituma na hivyo wengi wao wakajenga tabia ya kukopa mboga zile na kumpa fedha siku ya pili yake jambo ambalo hata yeye aliliona ni sahihi ili kuongeza wateja.'
Siku moja akapitia kwa mama mmoja ambaye alikuwa anasifika kwa kuwa na maisha mazuri na akawa ameenda kuchukua fedha ambazo alipeleka mboga kwa wiki bila kulipwa na aliahidiwa kupewa siku hiyo.
Mama yule alipomwona kijana yule akashikwa na hasira na kutoa maneno yenye dharau kuwa anasumbuliwa sana na kijana yule na hela ni ndogo, kijana akawa anajaribu kumwelewesha mama kuwa alimwahidi apitie naye alihitaji kuongezea ili kupata mahitaji ya shule.
Kwa hasira ili kumaliza majibizano mama yule alikuwa ameshika kipande cha mti akakirusha na kumpiga kijana yule kichwani naye akaanza kuondoka kurudi kwakwe akiwa kaumizwa na kitendo kile na hakuna aliyekishuhudia zaidi ya mama na mwanaye wa kike.
Kijana yule hata kabla hajafika lango kuu la kutokea nyumba ile akaanza kuhisi kizunguzungu na kuanguka nje ya geti.
Mama baada ya kuona vile akalifunga geti lake kuogopA kesi na kurudi ndani na yule kijana akawa anatokwa na damu puani bila msaada akijivuta barabara kuu kabla ya wasamaria kumchukua na hatimaye kwenda naye hospital.
Baada ya vipimo ikaonekana amepata jeraha dogo kwenye ubongo na hivyo itatakiwa akae pale hospitali kwa matatibabu.
Miezi mitatu alikaa pale hospitali na baada ya kupata nafuu huku wasamaria wakiwa ndio wanaomsaidia kumletea chakula na kila kitu wakisaidiwa na hospitali baadae alipona kabisa.
Wakati anaruhusiwa kuna daktari mmoja aliyekuwa pale akifanya kazi kwa kujitolea kutoka nje ya nchi alimchukua na kwenda naye nje ya nchi ambako huko aliendelea na elimu.
Miaka ishirini baadae kuna dada mmoja alipata ajali ya gari na kuvunjika mkono wa kulia na mguu wake wa kushoto akiwa ndio anarudi nyumbani baada ya kuhitimu chuo. mMma wa yule mtoto alimpeleka hospitali moja pale mjini na ikaonekana kuwa ni lazima ikatwe kwa kuwa hakukuwa na jinsi walimchelewesha.
Wakiwa madaktari wanajadiliana na mama akilia kwa sauti kubwa mara daktari mkuu wa kitengo cha mifupa akaja na kuuliza kuna nini pale.
Baada ya kusimuliwa kinachoendelea na kumkagua binti kwenye majeraha taswira ya yule mama ikamjia na kukumbuka lile tukio la miaka zaidi ya ishirini iliyopita na akamwambia yule mama"mama tullia mwanao atapona" na kumkimbiza chumba cha upasuaji ambako alisimama mia zoezi na miezi michache baadae yule binti akapona.
Binti aliwashhukuru wauguzi na wakati anaondoka daktari yule mkuu akamwita mama na kumsimulia kuhusu lile tukio la miaka ishirini iliyopita baada ya mama kukumbuka akaanguka na kupoteza fahamu.
Aliuguzwa na alipopata nafuu daktari akamwambia, " MAMA, WALA HUNA HAJA YA KUJILAUMU KWANI BILA WEWE KUFANYA VILE LEO NISINGEKUWA DAKTARI.
KWANI NISINGEKUTANA NA ALIYENIPA MSAADA WA KUSOMA NA KUWA DAKTARI NA MWANAO ASINGEKUWA NA MGUU NA MKONO WAKE, HIVYO JINA LA BWANA LIHIMIDIWE"
Mama yule baada ya kuondoka pale alirudi nyumbani na kuuza baadhi ya vitu alivyokuwa akivimiliki na kufungua shirika la kuwasaidia watoto yatima na waishio katika mazingira magumu. Na kila akikumbuka kile kitendo haishi kuwasihi vijana wapendane
Funzo
Kumpiga chura teke siku zote ni njia ya kumwongezea mwendo
Rafiki usomaye habari hii, nakuombea kuwa yoyote yule aliyepanga kukudhuru au atakayetumiwa kukudhuru na ashangae kuona hila zimegeuka kuwa baraka kwako
0 comments: