Kuna wanaume wakatili sana hapa duniani....... hawakawii kukupa kichapo na kukusababishia maumivu makali zaidi ya yale ya jana pale Brazil
Miaka zaidi ya 30 iliyopita kijana mmoja alimlazimisha mchumba wake watoe mimba na katika jaribio la mwisho mimba ile haikutoka zaidi ya kumwacha akiwa katika hali mbaya na kijana kukimbia.Baada ya miaka miwili bila ya mawasiliano kijana yule akarudi na kushangaa kuona mtoto alizaliwa na mbaya zaidi mtoto yule ana ulemavu wa ngozi yaani albino.
Kijana akaumia akiona kama ni bahati mbaya kwake na kukimbia na kupotea kwa miaka mingi sana, huku nyuma mama alikuwa na furaha sana na akimtunza mtoto wake akiamini Mungu alikuwa na kitu anataka kuwaonyesha kutokana na mtoto yule.
Ndugu na baadhi wa marafiki wake wakampa faraja na kumsaidia kipato ili aweze kuwa maisha mazuri yeye na mwanae na hatimaye akafanikiwa kuanza shule huku akifanya kazi vizuri.
Miaka kadhaa baadae mtoto yule akiwa anatoka ofisini kwake akiendesha gari lake katika mtaa mmoja akamwona mzee mmoja akiwa analia kwa maumivu ya uchungu.
Kijana akasimamisha gari na kuona mzee yule akilalamika jinjsi miguu ilivyokuwa imevimba na hawezi kutembea. Kijana akamhoji sasa anakaa wapi?
Mzee akamjibu kuwa anakaa mji wa mbali na pale na hapo ni nyumbani au mji aliozaliwa baada ya kusumbuliwa ugenini akaona arudi kutafuta ndugu wampe msaada ila sasa kashindwa na hawezi tena kujikaza ili atembee.
Kijana akamwonea huruma sana na kumchukua mpaka hospital moja nzuri na kumlipia waanze matibabu na kumtafuta mtu wa kumuuguza na kumlipa kisha akaondoka zake.
Alipofika nyumabani akamsimulia mama yake jinsi alivyomwona mzee akihangaika na kumsaidia, mama alifurahi na kumwambia mwanangu ni vyema kila mara kuwasaidia watu usiowajua na uwajuao kwani ndio baraka za Mungu zimejificha hapo.
Mzee alitibiwa pale hospital kwa zaidi ya mwezi na siku ya kwenda kulipa bili ili aondoko kijana alikwenda na mama yake pale hospital na mama aliduwaa kwa zaidi ya saa kadhaa aklia na kisha akamsimulia mtoto kuwa alimsaidia baba yake.
Ilikuwa ni siku ya funzo kwa mzee huyu kuwa kila binadamu kazaliwa kwa kusudi na mpango maalumu hapa duniani kuwa kama angefanikiwa kumuua mtoto huyu miaka ile leo hii si ajabu angekuwa amekufa kwa kukosa msaada pale barabarani.
Lakini pia mama alimtukuza Mungu akisema, " Hakika wewe ni Mungu usiyewaacha watu wako na mwenye kukutegemea na kutpa mafundisho katika kila visa vya maisha yetu"
Hata wewe uisomaye habari hii haukuzaliwa kwa bahati mbaya Mungu kakuandalia mpango mzuri sana katika maisha yako, hivyo wewe jitume, mshirikishe Mungu katika kila plani yako na hatimaye kila mtu atashangazwa na mafanikio yako na maadui zako wakigalagala chini kuomba msaada wako.
SHARE>>>>>>>COMMENT AMEN<<<<<<<<<<<LIKE
0 comments: