Showing posts with label Utunzi Feki. Show all posts

wife atumia akaunti feki ya fb na kumfanya mme amtajie idadi na majina ya mabinti wote aliochepuka nao


Leo asubuhi nimeingia kazini mapema sana kuliko kawaida yangu baada ya kugombana na wife home.

Nilipofika nikatulia kwenye computer na kuwa busy na mitandao ya kijamii kujipa nafasi ya kusahau maugomvi.

Ile kufungua facebook tu nikakutana na friend request ya binti mmoja mtamu sana mwenye pic za kuvutia na kuanza kuchati naye.

Kwa kweli binti yule anajua sana kuchati na huwezi amini mpaka kufikia mida ya saa nne nilikuwa sijafanya kazi yoyote pale ofisini kwa utamu wa text zake.

Tukazidi kufahamishana na yeye akadai ana mme anaye pendana naye sana na mimi nikawa namwambia nina mke ila ana longo longo sana hivyo simpendi kiviiile ni basi tu yaani.

Tukaendelea kuchati na akawa anaonekana anasogea sogea kwangu na akaniuliza niwe muwazi kumwambia kama tangu nuanze ndoa kuna wanawake nimewahi tembea nao ndio anikubali kuwa nae kwani anaogopa magonjwa, nikampa idadi yake bila kusita na hata alivyoomba majina yao nikampa yale ya mwanzo tu.

Akanipenda sana kwa kuwa muwazi na kuniambia atafikiria kwa kuwa mimi ni mkweli sana.

Baadae nikamwomba afanye tuonane akanipa namba ya voda nami baada ya kufurahi nikamwambia ningempigia mchana huu.

Mida hii nimeipiga ile namba na sauti ni ya mke wangu na nilipojaribu kutumia njia ya kujifanya natuma fedha kwa mpesa, nimeishiwa nguvu kuona ni jina la mke wangu na hakuwa na laini ya voda kabla.

Jamani nimetoka kazini nipo hapa bar nakunywa na sijui leo nyumbani itakuwaje...:..

Naombeni ushauri vijana wenzangu kwani hapa kati nimekuwa mkorofi sana kwa mke wangu na akasema kuna siku atanibamba tuu.....

Naumia zaidi ile kutoa list ya mabinti niliotembea nao wote....

Nahitaji ushauriwa akili imesizi....
Utunzi Feki
Share:

Baada ya kila dhoruba kali nuru huonekana

Nilikulia katika kijiji kimoja kusini mwa Tanzania na mama yangu yeye alikuwa mwalimu wa chekechea wa kujitolea katika shule hiyo ya watoto wadogo pale kijijini.
Mtu niliyeambiwa kuwa ni baba yangu alikuwa ni mlevi wa kupindukia pale kijijini na fundi selemara aliyemiliki sehemu ndogo ya kufanyia kazi kama ofisi yake ya kujipatia kipato ambacho alikitumia kwa kununulia pombe na kubaki katika maisha duni sana.
Baba huyu alikuwa mkali akimpiga mama na mimi kila siku na sitaki kukumbuka jinsi kila siku mama alivyonikumbatia na tukasaidiana kulia tukimwomba Mungu ambadilishe baba huyu ambaye pia alikuwa na wake wengine wawili na kunifanya kutambua kuwa mama yangu alikuwa ni mke wa nje wa baba.
Nililia na kumwomba Mungu ayabadilishe maisha yetu kila siku na nilifurahi sana kila siku jumapili nilipomwona mama akiimba kwa furaha katika kwanya pale kanisani na kunifanya kufurahi kila ifikapo jumapili ambapo ndio nilimshuhudia mama yangu akiwa na furaha ya ajabu na kuyasahau magumu ya nyumbani na kumshukuru Mungu.
Mama alinifanya kuona kuwa kanisani na kumwomba Mungu kipindi hicho ndio ilikuwa faraja yetu kubwa na alinisisitiza kuwa nitafanikiwa na kuwa mtu mkubwa katika maisha haya na kunifundisha kusamehe.
Somo la kusamehe lilinikaa sawa sawa na kumsamehe baba yangu kwa kila alichomfanyia mama na kusababisha maisha yetu kuwa magumu hasa baada ya kumpa mama ujauzito uliomfanya aishie kidato cha tatu na kusitisha masomo ili anikuze mimi huku familia yake ikimtenga na kuanza maisha yake.
Nilimsamehe na miezi michache baadae alifariki baada ya kupata tatizo la mapafu yaliyoharibiwa na uvutaji wa sigara na kufa kwa kukosa fedha za kumfanya atibiwe katika hospitali kubwa pamoja na jitihada za kuuza ardhi yetu na baadae maisha yetu yakazidi kuwa magumu.
Nakumbuka kila siku asubuhi nikiwa naenda shuleni jinsi mama alivyonipa nguvu na maneno ya ujasiri yenye uthubutu kuwa nitakuja kufanikiwa na kuitunza familia yetu na pia nakumbuka jirani yetu mama fred ambavyo yeye naye aliwahi kunipa zawadi ya viatu pamoja na ufukara wake ambao ulilingana na ule wetu na kuniambia kila nivaapo vinifanye niamini nitafanikiwa kuyakanyaga maumivu yote na kusonga mbele kufuata sauti ya ushindi na kuja kuwa mtu mwenye mafanikio.
Kila nilipovivaa viatu vile nilihisi kuwa yale maumivu ya mama na maumivu ya ufukara wetu wa kutisha pale kijijini kuna siku ningekuja kuyakanyanga na kumvalisha mama viatu vya furaha na kuja kumfanya maisha yake yote yawe ya furaha na tabasamu kama awapo kwenye kwaya yake siku za jumapili, kwa kweli nilikuwa nikisikia sauti za mafanikio zikiniambia nijitume..
Siku moja tukiwa shule ya sekondari tumekaa kando ya barabara tunacheza na kufurahi mbele yetu alikuja baba mmoja akiwa kashika begi mkononi na mkono mwingine kashika fimbo na miwani jambo lilinifanya nihisi kuwa mzee yule alikuwa ni kipofu.
Akaomba kwa sauti "wanangu naomba mnisaidie kuvuka barabara!"
Hakuna aliyemsikiliza zaidi ya watu kumcheka pale na kuendelea kucheza, mimi nikaamua kusimama na kwenda kumsaidia na nilipofika pale nikamwambia
"naweza kukusaidia?"
Akajibu "ndio"
Nikamwambia naomba nishike bega langu la kulia na nikamvusha na kumbe alikuwa anakuja pale shuleni kwetu na baada ya kuniuliza ni sehemu ipi anaweza kukaa na kumwonesha basi akalifungua lile begi lake na kutoa pipi na biskuti na kuzitandaza juu ya kitambaa chake na kuanza kuziuza na mimi akiniambia,
"mwanangu Mungu atakubariki sana na nitatamani siku nifungue macho yangu kuona mafanikio yako kwani sauti yako tu inanionyesha una hekima na huruma"
Nilimwangalia kwa dakika kadhaa nikiwa pembeni huku akiuza pipi, chocolate na biskuti zake kisha machozi yakanitoka na kushindwa kuyahimili na kuondoka zangu kurejea kwa wenzangu.
Tuliendelea kuwa marafiki na kila siku muda kama ule nilimsaidia kumvusha pale baada ya kuniulizia dan niko wapi, kusikia sauti yangu na mara nyingine alinikuta namsubiri nimvushe pale.
Kuna siku nilifika pale kituoni na kugundua hajafika nikakaa pale kwa dakika kadhaa nikiwa nimejificha sehemu na alipofika nikaaendelea kukaa pale na hakumwita mtu mpaka watu wakaondoka nami nikamsogelea na kukaaa kimya kwa dakika bila kuongea kitu na baada ya watu wachache kupita akaniita "DAN"
Nikaitika nakusema "NAAM", umejuaje kuwa nitakuja na kwanini hujamwomba mtu yoyote akusaidie kuvuka?
Akaniambia " Niliamini kuwa utakuja kwa kuwa wewe ni rafiki na kuna sauti iliniambia lazima utakuja nami nikakusubiri"
Nilishangaa wala sikuongea kitu chochote na kumsaidia kuvuka kisha tukaenda na nikamwacha akiuza nami nikaingia darasani.
Alikuwa rafiki kwani kuna nyakati nilimsaidia hasa pale wanafunzi walipokuwa wakimlipa shilingi mia tano badala ya alfu moja wanunuapo vitu na kunifanya mimi kuwa na maadui wengi pale shuleni zaidi ya marafiki na ikafika kipindi nahitimu pale aliniita na kunipa yeye aliyoiita zawadi ya kuwa
"mwanangu utafanikiwa kama nawe utaisikia sauti ya mafanikio kama mimi nilivyokuwa na imani kuwa kila mara ungenisaidia na ukawa hivyo"
Nilimjibu amen na kuondoka ingawa nilihisi nampoteza rafiki ambaye alinijenga sana.
Miaka miachache baadae kwa jitihada za mama yangu nilifanikiwa kuhitimu chuo kikuu na kupata kazi katika kampuni moja ya kutengeneza vitabu na kipata mwanya wa ufadhili na nikaandika historia ya maisha yangu niliyoiita "Maisha ya Salome na Mwanae Dan" kitabu ambacho kikauzika sana na kunifanya mimi kuweza kumtunza mama.
Nilirudi mpaka ile shule na kumulizia rafiki yangu yule ambaye alikuwa kipofu na kwa bahati mbaya niliambiwa alifariki kwa ajali ya gari baada ya kujitahidi kuvuka barabra kwa kukosa msaada na kugongwa na gari. Nililia sana na kuishia kubaki na yale aliyoniambia na mpaka sasa mimi na mama tuna shirika la kusaidia wajane na walemavu wa macho liitwale "fuata sauti yako foundaton"
Kwa nini nimetaka kuandika kisa hiki cha kufikirika?
Kila mtu ana historia ya mapito magumu katika maisha yake na pengine hata sasa una wakati mgumu sana na hujui nini cha kufanya.
Hebu fikiri wakati mama yangu ananyanyasika na kufanya kazi kwa taabu ili kunipa maisha mimi aligundua kuwa ana tone la furaha na kulitumia ipasavyo hasa zile nyakati za kwenda kanisani na kuimba na wenzake na kusahau maumivu ya muda na kujipanga kuona atayakabili vipi.
Mama Fred yeye hakuwa na fedha sana na alikuwa ni maskini kama sisi lakini vile viatu ambavyo alinunua na kunipa pamoja na yale maneno mazuri vilinihamasisha kufanya vizuri. Je wewe umekuwa msaada kwa wenzako hata kama na wewe unaona huna kitu? Umewapa maneno ya faraja au umekuwa ukifurahia magumu yao?
Yule kipofu aliomba msaada na wengi wakawa wakimwangalia na kumcheka je ni mara ngapi na wewe umeomba msaada na watu na kuchukulia ni utani na kuja kujutia baada ya kugundua kuna mtu ulishindwa kumsaidia katika nyakati aliyohitaji msada wako?
Ni mara ngapi umewasamehe wale waliokufanyia mabaya na hata kuwafanyia mabaya wale uwapendao mbele yako kama nilivyomshuhudia baba akimnyanyasa mama na mwisho wa siku nikamsamehe ingawa alifariki baadae hata kabla ya kuja kula mafaniko ya mwanae?
Ni mara ngapi umesaidiwa na kuwa na shukrani hata ya maneno mazuri kama vile yule kipofu alivyomfanyia dan na hata kujenga imani ya kuwa huyo mtu aliyekusaidia unahitaji kumwamini na kuuthamini mchango wake?
Ni mara ngapi umerudi kuwashukuru wale waliokusaidia nyakati za shida au ulivyowahitaji wakusaidia na wakakusaidia?
Katika kufanikiwa kwako au katika jitihada za mafanikio yako umefuata sauti liyomo ndani yako kuwa utafanikiwa na ukaishi kwa ndoto zako huku ukijituma na kujikabidhi kwa mungu ?
Baada ya kila dhoruba kali nuru huonekana ....... nakutakia wiki hii kuwa ya mafanikio kwako......AMEN-------------> share ------------>
Mafunzo Mahusiano Maisha
Share:

Ndoto nzuri iliyokuja kuwa kweli




Ndoto hii ilianza kunitokea mwanzoni mwa mwezi wa nne lakini mpaka sasa imefikia mahali ambapo hata mimi inanipa wakati mgumu kuamini kile kinacho endelea.

Kwa mara ya kwanza niliota kuwa binti mmoja mzuri sana mwenye urefu wa wastani, na umbo ambalo kiukweli kila mwanaume lijali angemkodolea mimacho na hata kujisemesha semesha ilimradi ampate alikuwa akinitaka niwe mpenzi wake.

Cha kushangaza alinifanya nimpende zaidi kwa jinsi alivyokuwa na nywele ndefu zilizogota vilivyo mgongoni mwake.

Kwa mara ya kwanza alinijia na kuanza kuongea nami mazungumzo yaliyochukua muda mrefu na baadae tukaamua kuwa wapenzi.

Siku ya pili nikashangaa kuona kumbe haikuwa kweli na ilikuwa ni ndoto, jioni yake nikawahi kulala ili aje tena ndotoni na anikute nimeshapitiwa na usingizi mzito...

"Jamani kuna ndoto huwa ni nzuri ati"

Kweli alikuja na bila kungoja tukaanza kazi mmh alikuwa safi siku ya pili kuamka nikaona nimejichafua vya kutosha nikachukia na kusema ndoto mbaya, nikamsimulia jamaa yangu akaniambia Fuledi wewe usijali labda ni kwa kuwa ulichoka na mwili ulikuwa ukipunguza mastreessss. Nikakubalina nae.

Siku wiki chache baadae alinitokea na nakumbuka nilimvua pichu na kuiweka chini ya mto na kazi ikaanza kwa ustadi wa hali ya juu na safari hii nami nikawa mkali kweli kweli.

Asubuhi yake sikuamini baada ya kuamka naona kweli ile chupi iko chini ya mto kama nilivyoota nikiiweka chini ya mto jana yake usiku..

Nikiwa bado nimejawa na woga na kigugumizi na niko njiani kwenda kumsimulia rafiki yangu ghafla mbele yangu naona binti yuleyule ambaye nimekuwa nikimwona ndotoni na ambaye ameniachia chupi yake akiwa mbele yangu.

Nikamkimbilia na kabla  sija................................

Kama wataka kujua nini kilitokea andika neno "INBOX" nami nakutumia full story
Utunzi Feki
Share:

Demu mwingine wa facebook asababisha nivimbe uso na kuipukutisha akaunti yangu benki




Niliwahi zangu home nikafika mida kama ya saa moja kasoro hivi, basi moja kwa moja nikapitiliza zangu mpaka kwenye kafriji kangu na kushangaa kuiona grants nikajiuliza niliiweka mida gani tena??? 

Kwa raha zangu nikajisogeza mpaka sebuleni na kuwasha laptop yangu nikaiunga na net na taratibu nikaanza kuchati facebook huku natupia glasi ya grants.

Nikaja onana na mrembo mmoja ambaye nimekuwa namsumbua sana kwa kumtaka awe mpenzi wangu ila yeye akawa anadai ana bwana yake lakini  mimi nikamsisitiza aachane nae kwani mimi nitampa good life.

Kitu cha grants kikanipa ujasiri nikamwambia mtoto sasa leo nimekuona mtandaoni basi tuonane... akaniambia no hata weza mme wake anaweza tokea.. nikamwambia achana nae wewe niambie uko wapi nije, baada ya mabishanomarefu hatimaye kidume nikashinda na akaniambia niende mitaa ya town karibu na isimike atakuwa pale maana ndio maskani yake.

Kwa furaha nikagugumiza grants yote na kuwasha gari langu kisha nikaanza safari ya kwenda town kuonana na mtoto aliyenisumbua kwa muda mrefu bila majibu. Nikawa najisemesha kuwa leo atakoma kuringa.

Nikafika na kumkuta pale nje akaniambia kwanza ana kaka zake wanatakiwa kwenda uyole then tukiwapeleka tutakuwa free kabisa yaani kwa raha zetu nikitaka hata nimrudishe weekend...moyoni nikajisemesha "mwee kunoga"

Kijana nikawachukua mpaka benki na kuchukua balance ya laki na kuweka zangu mafuta kiasi kisha tukaanza kwenda uyole.

Njiani demu akadai anataka ajisaidie mara moja hivyo nikasimamisha gari na katika hali ya kushoo samu lavu nikashuka ili niwe mwangalizi asije pata majanga (si wajua tena ukiwa na mali mpya ulinzi muhimu kuongeza credits)

Mara nikaona na ule mlango wa kaka yake unafunguka sikushangaa sana nikajua tu itakuwa ule msemo usema, "katika kundi la mbuzi mmoja akikojoa wote hukojoa"

Lakini cha kushangaza akaingia na kulizima gari na kutoa ufunguo na nikaona hakuna cha kujisaidia yule binti wala nini. Nikaanza kuhisi kuna tamthilia inataka kuanza kupitia lunginga isiyo sahihi, lakini nikapiga moyo konde.

Mara jamaa akaniambia, "Oya kidume sogea hapa, wewe ndio fundi wa kutongoza wake za watu FB na mbaya zaidi unaniponda sana, eti mimi kapuku sina hela????????"

Kabla sijajibu nikala kibao, mtama, teke na ngumi vikaja kwa pamoja,na kwakuogopa watu wasije nikawa najifanya kucheka tu pale lakini ki ukweli ngumi zilikuwa ninaniingia na wakati huo ile grants ikawa imeisha.Ila maumivu ya ngumi yakabadili nafasi ya alcohol

Wakaninyanyua juu juu na kunitupa siti ya nyuma ya gari mpaka uyole na kunipeleka sehemu nami nikanawa kutoa damu kisha tukaingia bar na wakaalika watu kibao.

Wakanza kunywa mie nikagoma, akataka anipe nakozi ikanibidi nami niombe tu grants. Tukanywa sanapale tukiwa na jamaa zao na bili ilipokuja wakaniletea mimi.

 Bili ya vinywaji pale ilikuwa imefikia laki 300,000 na wakasema nilipe, pale nikawa na 70,000 tu, ikanibidi niombe twende benki wakakataa nikakumbuka kuwa kwenye simu kuna hela ya kulipa pango la nyumba ambalo nilitakiwa kulipa siku ya pili asubuhi.. nikawarushia.

Kutoka pale tukaja mjini tukaingia kama baa nne mpaka wakahakikisha sina hata senti wakanipa gari na onyo kali nami nikajivuta mpaka mitaa ya home.

Usiku ule nyumbani hakuna aliyegundua lakini asubuhi baada ya kuona jinsi uso ulivyovimba wakaniuliza mbona jana nilichellewa kuliko kawaida na kwanini nimevimba vule?? Sikuwa na jinsi ikanibidi niwadanganye kuwa nilikuwa napigana na vibaka waliotaka kunipora gari.

Nikatoka pale na kuanza mtafutano na mama mwenye nyumba maana mshara wangu wote niliumaliza kwa wale mabaunsa na benki sikuwa na balance tena.

Mpaka sasa nimebadili akaunti ya facebook na sitaki tena kuchati na wadada na nashukuru uso wangu unaendelea vyema

Haya ndio majanga yaliyonikuta mwisho wa mwezi

Soma comment za wadau hapa >>>>>>>>>>>>>>>>>>>>>>>>
Utunzi Feki
Share:

Mwana haramu mkubwa weee, soma jamaa alivyoumbuka





Mke wangu aliamka mapema na kuniomba niende nikamsaidie baadhi ya majukumu sokoni kwani yeye siku hiyo alikiwa akijisikia vibaya.

Hakukuwa na wakumtuma kwani tangu tuoane tuliishi sisi wawili na hatukubahatika kumpata mtoto kwa miaka zaidi ya minne ya ndoa yetu.

Nikaenda mpaka kituo cha daladala ingawa nilikuwa na mawazo mengi sana kutokana baadhi ya mambo yangu kwenda ndivyo sivyo.
Nikiwa katika dimwi la mawazo daladala iko kituo cha mbele mara mama mmoja akiwa na mtoto mchanga akaniita dirishani na kuniomba nimbebee mtoto kwani daladala ilijaa naye alihitaji kupanda.

Nilimpokea yule mtoto na baada ya pale nikamwona akizunguka upande wa pili apande nami nikaendelea kuwaza lakini safari hii nikasali kimoyomoyo kuwa Mungu anipe nami baraka ya mke wangu kuzaa.

Mawazo mchanganyiko yaliendelea kwa muda mpaka nilipokuja kugundua daladala ndio kwanza ilikuwa ikiingia kituo cha mwisho.
Nikakaa pale kusubiri watu washuke ili nimkabidhi mtoto yule kwa mama yake lakini cha kushangaza ni kwamba kila mtu alishuka na kujikuta nipo mimi na konda twaangaliana.

Nikamuuliza mama wa mtoto yuko wapi? Akadai yeye hajui wala hakuona mama mweye mtoto..

Nikamhadithia ilivyokuwa akaniambia mjomba hapo nenda polisi tu.
Polisi nikafika na kutoa maelezo nikiwa na konda pamoja na mtoto yule. Baada ya maelezo wakaniambia sasa wewe baki na mtoto na sisi twaendelea na upelelezi.

Nikaahirisha kufanya yale niliyodhamiria na kufika nyumbani mke wangu alinishangaa na hata kila nilipojaribu kuelezea hakunielewa zaidi ya kudai mtoto yule lazima awe na mahusiano nami.

Akazidi kudai kuwa lazima nimezaa na mtu na kanisusia baada ya kutomjali au anataka nioane naye au mambo mengine ambayo yawezekana kuwa ni siri za mimi na huyo mama.

Mke wangu alilia usiku na mchana kila siku nami nikazunguka huku na kule nipate njia ya kulitatua tatizo hili kwani na kwangu lilishaanza kuwa kama kidonda kibichi moyoni mwangu.

Jioni moja narudi nyumbani nikagundua kuwa mke wangu kafungasha mizigo yake na kuondoka kwenda kwao.

Ikanilazimu niende kituo kimoja cha kulelea watoto yatima nilichoambiwa kiko pale mtaani kwetu na baada ya kufika pale na kutoa maelezo wakakubali na kumchukua mtoto jambo lilofanyika ndani ya siku nne maana ilinibidi pia niende na polisi wathibitishe.

Baada ya hapo nikaanza safari kwenda kijijini kwa mke wangu.
Kufika kule baba na mama wa binti yangu wakadai kuwa kwa unyama niliomfanyia mwanao hawataniruhusu nirudiane naye tena na sasa watamruhusu aolewe na mtu mwingine.

Nililia kama mtoto mdogo nikiomba wanisamehe na kunielewa kwani mkasa huu hata mimi wanipa wakati mgumu lakini hawakuelewa.
Nikakumbuka kuwa mimi ni mhehe na wahehe tuna asili moja ya kujinyonga.

Jioni ile nikanunua kamba yangu na nilipohakikisha kila mtu kalala nikapanda juu ya mti kamba yangu singoni na kisha kujitupa chini ili kamba ile ininyonge.

Nilitapatapa pale na taratibu nikahisi haja kubwa ikinitoka kwa shida ikiashiria ndio nilikuwa nakata roho nikalia kilio cha mwisho kwa uchungu kabla ya kunaswa kibao na demu niliyelala naye guest bubu huku akinisema" mwanaume huna haya wewe mimi nakuangalia hapa warusha miguu na kujifanya kulia kumbe unakunya kitandani???????? Mwana haramu mkubwa weee?
Ndoto nyingine bwana laana tupu.

Chat whatsapp 0713317171
Utunzi Feki
Share:

Kamwe sitosahau jinsi mme wangu alivyonifunga kizazi kishirikina kwa miaka mingi



Miaka kumi na mbili iliyopita binti huyu pichani aitwaye Dear alikuwa na mahusiano ya kimapenzi na kijana mmoja wakiwa na umri wa miaka 18.
Walipendana sana na kuapiana kuwa wasingesalitiana na kuja kuishi kwa pamoja kama mme na mke baada ya kuhitimu masomo yao.

Binti akatoa wazo kwa kuwa yeye hana imani na wanaume, kwani wengi huwa na tabia za kusaliti mahusiano basi waape kwa kitumia Biblia na kofuli.

Wazo hili kijana alilipokea kwa furaha na binti akafurahi sana kuona yule kijana amekubaliana nae kuwa ataapa kwa njia hiyo kama ishara ya kuwa hawatasalitiana na kupendana kwa dhati.

Wakaondoka wakiwa na biblia na kofuli yao mpaka kwa mzee mmoja aliyeaminika kwa busara na kumweleza adhma yao naye kabla ya kuwakubalia ombi la kuwa shahidi wao akawauliza,

" Je ni kweli mmeamua kuapa kwa kutumia Biblia na kofuli hii kuwa mnaufunga uhusiano wenu kuwa wenu tuu na mnakubali kuwa hamtasalitiana milele?"

Wote wakajibu ndio.

"Je mnatambua kuifunga kofuli hii na ufunguo kuniachia mimi na kofuli kwenda kuitupa mbali mjue kamwe hamtaifungua tena na matatakiwa kuwa pamoja kwa namna yoyote ile?"

Wakasema tumeafikiana.

Mzee akawaongoza kwa sala na kuwaomba waishi kama walivyokubaliana na kisha kuifunga ile kofuli.

Wale vijana wakarudi majumbani kwao na kuendelea kuishi kwa furaha na amani huku kila mtu akiwa na kiu ya kuonyesha zaidi upendo kwa mwenzake.

Miaka ikaenda wakahitimu chuo na kijana akapangiwa kazi kijijini sana na kukawa na matatizo ya usafiri na binti kwa kuwa alipangiwa mjini akawa kila mara akimtembelea kijana na kijana akienda mjini pia.

Miaka ikaenda hatimaye taratibu wakaanza kupunguza mawasiliano baada ya kijana kuhamishiwa mbali zaidi na binti akabadili namba na kuanza mahusiano na boss wa kampuni yake na kisha wakaoana.

Kijana akafanya kazi kule kijijini kwa kujituma na kuweka fedha ili aweze kuja mnunulia pete nzuri ya uchumba na harusi yao ije kufana na waishi vizuri bila kujua kuwa keshaolewa.

Baada ya kujiandaa vya kutosha akaanza kuomba uhamisho ahamie mjini na alipofika mjini akapata habari za mkewe kuolewa na wamehama mji ule.
Kijana aliumia sana na kisha akaamua kuondoka kwenda mbali kuanza maisha mapya akiwa na huzuni sana.

Maisha ya furaha yakamwishia yule binti kwani hakupata mimba wala dalili na kila alipofanyiwa uchunguzi akaonekana yupo safi.

Furaha na amani ikaanza kumpotea katika familia yake na baadae mambo kuwa mabaya zaidi kabla ya kuanza kutembelea kila kibanda kilichoandikwa mganga wa jadi akihisi kafanyiwa mchezo.

Baada ya kwenda kwa njia hizo zote bila mafanikio akawa hana jinsi zaidi ya kuwa mtu wa kulia na kuhuzukika kila mara.

Siku moja akiwa ndotoni akaonyeshwa Biblia na ile kofuli akakumbuka kuhusu nadhiri yake na yule kijana. Akaanza kumtafuta yule kijana amwombe msamaha na baadae akampata.

Baada ya kumwambia kijana huku akimwomba msamaaa kijana akasema mimi sina tatizo ndio maana sikuoa ili nikuone na uje uniruhusu kwa kulingana na agano letu.

Na kilichobaki hapa ni kumtafuta mzee kwani kofuli mimi nilimkabidhi mama yangu na analo kwani niliamini mama ambaye ni mwanamke kama wewe angenirekebisha kama nikikosea na ajue siri yangu na wewe ili azidi kunipa hekima na busara ya kuwa na wewe, je na wewe funguo ya akiba uliweka wapi?

Binti akasema niliipoteza nilipoanza mahusiano na mme wangu.
Wakaenda kwa mzee na kusikia kuwa alishafariki, kijana akampa kofuli bila ufunguo na kumwomba binti ampe ruhusa akaoe.

Binti akakubali na kijana akaoa na sasa ana mke na watoto wawili lakini yule binti mpaka sasa kashaachika zaidi ya ndoa nne akikosa amani kwa kuvunja agano lake na kijana yule.

Dada na kaka zangu kumbukeni

1. Kamwe usimwahidi mtu kumpa mambo makubwa maishani na hali wewe huna uwezo

2. Kamwe usimwambie mwanamke unampenda wakati humaanishi

3. Usitumie vitabu vya dini kufanikisha mipango yako ya ulaghai wa mapenzi

4. Kamwe usiwahusishe watu kukusaidia kushuhudia uongo ili kumpata mwanamke...Hawa ni viumbe ambao kwa asilimia kubwa sisi wanaume ndio huwafanya waumie na kila mwanamke katili,jambazi, kahaba na wengine lazima wana hadithi iliyowafanya kuwa hivyo na ilisababishwa na mwanaume

5. Usijaribu kufanya ahadi yoyote ili kumpata mwanamke ukiapa kwa jina la Mungu kama huamini

Ukishindwa kutekeleza huishia kukosa furaha maishani mwako na kuwa kama dada yetu.

Comment "Nawachukia wasaliti' kisha share na like page hii ya  Fuledi
Mahusiano Maisha Mapenzi
Share:
Subscribe to: Posts (Atom)